ማሰታወሻ፡
+ይህ ግምገማ በሁለተኛው መቶ ቀን ውስጥ ቅድሚያ ሊሰጣቸው የሚገቡ አፈፃፀም የሚለካ በመሆኑ ሁሉንም የተቋሙን ተግባራት አያካትትም::
+ከዚህ በታች በመቶኛ የተገለፁት ቁጥሮች የብዙ ዝርዝር ተግባራት አማካኝ ውጤቶች ሲሆኑ ከታች የተገለፁት ግን የተመረጡ ዋና ዋና ተግባሮች ናቸው፡፡

ጠንካራ አፈጻጸም ያሳዩ	ደካማ አፈጻጸም ያሳዩ	ቀጣይ አቅጣጫዎች
▪ የበጀት ጉድለት ከአጠቃላይ የአገር ውስጥ ምርት ያለው ድርሻ ከ2.2% እንዳይበልጥ ታቅዶ በዚሁ መሰረት ተግባሮች እየተከናወኑ ነው ▪ የህግ ማሻሻያ ስራዎች፣ የድጋፍ ማግኘት እንዲሁም ከተለያዩ ምንጮች የገቢ ማሰባሰብ ስራ በተሳካ ሁኔታ እየተከናወነ ነው ▪ የቴሌኮሚኒኬሽን ዘርፍ ሬጉላተሪ ባለስልጣን ማቋቋሚያ አዋጅ ተጠናቋል	▪ የፊስካል ማበረታቻ ታክስ ህግ ማሻሻያ ማዘጋጀት ታቅዶ የመረጃዎች ማሰባሰብ ሥራ ብቻ ተጀምሯል ▪ በራሳቸዉ ዋስትና ብድር የወሰዱ መንግስት ድርጅቶች የዕዳ ክፍያ ሽግሽግ ድርድሮችን ማድረግ ታቅዶ የዝግጅት ስራዎች ብቻ ተከናዉነዋል።	▪ የተቋሙ ዋነኛ ስራ የበጀት ጉድለትን የዋጋ ግሽበት በማያመጣ መልኩ የመቆጣጠር ስራ ስለሆነ ከበሄራዊ ባንክ ብድር ባመዛኙ ከመመርኮዝ ይልቅ በወጪ ቅነሳና በድጋፍ ማሰባሰብ ዙሪያ በተጠናከረ መልኩ ቢሰራ ▪ የመንግስት ልማታዊ ድርጀቶች ሪፎርምን በተመለከተ የሚኒስቴር መ/ቤቱ ሚና በትኩረትና በዝርዝር ቢታይና አካታችነቱ ቢረጋገጥ። የሚቀጥለዉም የ100 ቀን እቅድ የተቋሙን ሚና ግልጽ በሆነ መልኩ የሚያንጽባርቁ ግቦችን ቢያካትት ▪ የተቋሙ በማክሮ ኢኮኖሚ አስተዳደር ካለዉ ሚና አኳያ አንጻር የጥናት የምርምርና የሪፎርም አቅሙን ቢያሳድግ ▪ በቀጣይ የእቅድ መርሃግብር ተቋሙ የዉስጥ ሪፎርሙን ቢያጠናቅቅና ምቹ የስራ ሁኔታ መፍጠር ላይ አተኩሮ ቢሰራ